Պայմաններ և դրույթներ

1. Հիմնական հասկացություններ

Գնորդ – ցանկացած չափահաս ֆիզիկական անձ կամ իրավաբանական անձ, ով համաձայնում է սույն օֆերտայի պայմաններին և ընդունում է օֆերտան:

Վաճառող – «Նոութբուք Լայն» ՍՊԸ, որը իրականացնում է Ապրանքի վաճառք և առաքում:

Ապրանք – https://notebookline.am/ կայքում ներկայացված և գնման համար առաջարկվող ցանկացած տարր կամ ապրանքատեսակ:

Առաքիչ – անձ, որին «Նոութբուք Լայն» ՍՊԸ-ն լիազորել է Ապրանքը Գնորդին հանձնելու համար:

Պատվեր – Գնորդի կողմից https://notebookline.am/ կայքի միջոցով ընտրված Ապրանքի գնման և առաքման պահանջ:

Մատակարարում – Վաճառողի կամ նրա կողմից լիազորված անձի գործողությունը, որի միջոցով Ապրանքը հասցվում է Գնորդին:

2. Ընդհանուր դրույթներ

2.1. «Նոութբուք Լայն» ՍՊԸ–ն ողջունում է Ձեզ https://notebookline.am/ կայքում և առաջարկում է նախապես ուսումնասիրել ներկայացված պայմանները՝ մինչև որևէ Ապրանք պատվիրելը:

2.2. Կայքում տեղադրված ցանկացած առաջարկ հանդիսանում է Վաճառողի հրապարակային օֆերտա։ Գնում կատարելով՝ Գնորդը միանում է Պայմանագրին՝ առանց առարկությունների կամ վերապահումների:

2.3. Գնորդի կողմից Պատվերի ձևակերպումը համարվում է Պայմանագրի պայմանների ընդունում:

2.4. Եթե պատվիրած Ապրանքը պահեստում հասանելի չլինի, Վաճառողը կարող է ամբողջությամբ կամ մասնակի չեղարկել Պատվերը՝ նախապես տեղեկացնելով Գնորդին հեռախոսով կամ էլեկտրոնային փոստով:

3. Պայմանագրի առարկա

3.1. Վաճառողը պարտավորվում է փոխանցել Պատվերում նշված Ապրանքը, իսկ Գնորդը՝ վճարել դրա արժեքը և ընդունել այն:

3.2. Ապրանքի գները միակողմանի սահմանվում են Վաճառողի կողմից և տեղադրվում են https://notebookline.am/ կայքում ՀՀ դրամով:

3.3. Վաճառողը ցանկացած պահի իրավունք ունի փոփոխել գները՝ առանց նախնական ծանուցման:

3.4. Վճարումը կատարվում է ամբողջությամբ՝ կանխիկ կամ անկանխիկ եղանակով։

3.4.1. Կանխիկ վճարում

Վճարումը կատարվում է առաքման պահին, ինչը հաստատվում է Առաքիչի կողմից տրվող անդորրագրով։

3.4.2. Անկանխիկ վճարում

Գնորդը պետք է նշի փոխանցման նպատակը և համապատասխան Ապրանքի անունը:

4. Մատակարարում և հանձնում-ընդունում

4.1. Ապրանքի առաքումը իրականացվում է կողմերի համաձայնեցված ժամկետներում։ Հասցեի ճշգրտությունը ապահովում է Գնորդը։

4.2. Մատակարարման ամսաթիվ է համարվում հանձնում-ընդունման ակտի մեջ նշված օրը։

4.3. Առաքումը կատարվում է ՀՀ տարածքում։ Ապրանք չի առաքվում պետական հատուկ ռեժիմով տարածքներում կամ վայրերում, որոնք չեն հանդիսանում Գնորդի մշտական բնակության կամ գտնվելու վայր:

4.4. Վաճառողը չի կրում պատասխանատվություն մատակարարման ուշացման համար, եթե այն պայմանավորված է Գնորդի սխալ տվյալներով կամ անխուսափելի ուժի հետևանքով:

4.5. Գնորդի սեփականության իրավունքը ծագում է վճարումը կատարելու և ընդունման-հանձնման ակտը ստորագրելու պահից:

4.6. Ապրանքը ստանալիս Գնորդը պարտավոր է ստուգել ամբողջականությունը և համապատասխանությունը։ Ստորագրելով ակտը՝ Գնորդը հաստատում է, որ ապրանքը համապատասխանում է պատվերին և տեղադրված նկարագրությանը:

4.7. Գնորդը պարտավոր է ներկայացնել անձը հաստատող փաստաթուղթ։ Դրա բացակայության դեպքում Առաքիչը կարող է հրաժարվել ապրանքը հանձնել:

5. Կողմերի իրավունքներն ու պարտականությունները

Վաճառողի պարտականությունները

5.1. Իրականացնել Պայմանագրով ստանձնած պարտավորությունները ՀՀ օրենսդրությանը համապատասխան։

5.2. Մատակարարման ժամկետների փոփոխության դեպքում հնարավորինս շուտ տեղեկացնել Գնորդին:

Վաճառողի իրավունքները

5.3. Փոփոխել Պայմանագրի դրույթները, գները և առաքման պայմանները՝ հրապարակելով դրանք կայքում։

5.4. Չընդունել որակի վերաբերյալ բողոքներ, եթե խախտվել են պահպանման կամ շահագործման կանոնները։

5.5. Չմատակարարել կամ հետ պահանջել Ապրանքը, եթե դրա արժեքը չի վճարվել:

Գնորդի պարտականությունները

5.6. Ծանոթանալ Պայմանագրին և Ապրանքի գնին մինչև պատվիրելը:

5.7. Ներկայացնել ճիշտ անձնական տվյալներ և հասցե։

5.8. Վճարել Ապրանքի արժեքը:

5.9. Ստանալիս ստորագրել ընդունման-հանձնման ակտը:

6. Վերադարձի և փոխանակման պայմաններ

6.1. Ապրանքի տեսակը
Ապրանքները օգտագործված են, ստուգված, սպասարկված և լիովին աշխատունակ։

6.2. Վերադարձ, փոխանակում և չեղարկում
Օգտագործված ապրանքների համար վերադարձը, փոխանակումը և չեղարկումը իրականացվում է հետևյալ պայմաններով․

• Ապրանքները վերադարձման ենթակա չեն, եթե չեն հայտնաբերվել տեխնիկական խնդիրներ:
• Ապրանքը պետք է լինի նույն վիճակում, ինչ գնման պահին (առանց նոր վնասների)
• Պահպանված լինի ամբողջական կոմպլեկտացիան (լիցքավորիչ և այլն):
• Գնորդը կարող է չեղարկել պատվերը, նախքան դրա առաքումը: Չեղարկելու համար պետք է դիմում ներկայացնել կայքում նշված կապի ցանկացած միջոցով, որից հետո մեկ աշխատանքային օրվա ընթացքում կչեղարկվի պատվերը: Եթե պատվերը գրանցելիս արդեն կատարվել է անկանխիկ վճարում, ապա պետք է դիմումի մեջ ներառել բանկային հաշվեհամար, և պատվերը չեղարկելու օրվան հաջորդող աշխատանքային օրը գումարը հետ կփոխանցվի գնորդին:

6.3. Երաշխիքային պայմաններ
Կախված տվյալ ապրանքի վիճակից` կարող է տրվել մինչև 3 ամիս տեխնիկական երաշխիք, որի ընթացքում՝

Բոլոր նոութբուքերը նախքան վաճառքը անցնում են տեխնիկական ստուգում և փորձարկում։ Կախված տվյալ ապրանքի վիճակից` կարող է տրվել մինչև 3 ամիս երաշխիք սարքի հիմնական ապարատային բաղադրիչների աշխատանքի համար, որոնց մասով խնդրի հայտնաբերման դեպքում առաջարկվում է անվճար վերանորոգում, փոխարինում կամ գումարի վերադարձ։ Երաշխիքը չի տարածվում ֆիզիկական վնասների, հարվածի, հեղուկի ներթափանցման, ծրագրային ապահովման խնդիրների, մարտկոցի բնական մաշվածության վրա, սարքի մեջ ինքնուրույն կատարված փոփոխությունների կամ բացելու, ինչպես նաև կոմպլեկտացիայի մասերի բացակայության դեպքերում:

6.4. Այլ պայմաններ
Գնելով ապրանքը՝ հաճախորդը հաստատում է, որ ծանոթացել է սարքի վիճակին և համաձայն է նշված պայմաններին։

6.5. Վեճերի լուծման հիմքում գտնվում են ՀՀ օրենսդրությունը և համապատասխան իրավական ակտերը:

6.6. Գնորդի պահանջները քննարկվում են միայն այն դեպքում, եթե ներկայացվում է գնման փաստը հաստատող փաստաթուղթ:

7. Վեճերի լուծում

7.1. Վեճերը նախ փորձում են կարգավորվել բանակցություններով։ Եթե դա հնարավոր չէ, ապա դիմում են ՀՀ դատարաններ։

8. Ֆորս-մաժոր

8.1. Կողմերը պատասխանատվությունից ազատվում են, եթե պարտավորությունների չկատարումը պայմանավորված է անհաղթահարելի ուժով՝ բնական աղետներ, պատերազմ, պետական սահմանափակումներ և այլն:

8.2. Եթե ֆորս-մաժորը շարունակվում է ավելի քան երեք ամիս, ցանկացած կողմ իրավունք ունի դադարեցնել Պայմանագիրը՝ տեղեկացնելով մյուս կողմին: